Euskal gasna
Urdina
URDINA : Euskal gasna urdina
Jastatu al duzu URDINA ?
Agour-en berrikuntza Euskal Herriko ardi gasna urdina da, URDINA izendatu duguna. Euskal Herriaren bihotzean ekoiztua, gure Lizartzako gasnategian, Donostia ondoan, Gipuzkoan.
Bere berezitasuna da kanpotik ardi gasna tradizionalaren itxura duela, baina moztean, bere pasta koloretsuak, gasna horren zati bat dastatzeko gogoa pizten du berehala...
Ardi gasna urdin krematsua, zapore aberatsak baina ez sobera indartsuak eskaintzen ditu. Testura krematsua eta gurineztatua du.
Pizua : 2,7kg gutti gora behera
URDINA - Euskal ardi gasna urdina : ezagutu Euskal Herria inoiz jastatu ez duzun bezala !
URDINA, gure nortasunaren, ongi zaindutako larreen eta gure ardi babestuen irudia da.
Gure lurraren koloreekin, Urdina euskal natura honetako kolorea da: itsasoaren urdina, gatza eta mineralen xuria, larreen berdea.
Zaporeen eta koloreen sinbiosi honetan, gizakiak moldatutako harribitxi honen ezagutzeko pribilegioa duzu. Denboran zehar zorroztasunez eta pasioz transmititutako ezagutzek, Urdina, Euskal gasna handien familian sarrarazten du. Lan kontrolatuaren emaitza, naturak eragina eta adierazpena duen tokian. Bere azala naturalak, euskal gasna tradizionalen berezitasuna, testura krematsua duen. urdin harrigarri bat babesten du.
URDINA, zaporez betea da, krematsua eta izaera handiarekin. Arro eta larretua, Gipuzkoako artzainak eta haien bizimodua islatzen ditu
Batzuetan krematsua, beste batzuetan ozeano bat bezain bizia, uhainen erritmora bizirik.
Etxi begiak eta jastatu gure Herriaren zati bat, inoiz jastatu ez duzun bezala. Uhaina URDINA ! Irudika zaitez artzain bat bezala, ozeano infinitua zaintzen, bere larreetatik bere ardien artaldea zaintzen ari dela, Agour etxeko gasnagile maisuek sinatutako gasna aparteko honen zati bat jastatuz.
Itsasoa zuria da, eta ilargia urdina.
Itsasoa latxa da,
eta izarren salda urdina.
Itsaso zurian, ardi esnea gora eta behera Kantauri, braust eta braust, kantari.
Zurrunbilo gatzatu kresaltsua, Itsaso zurian.
Eta ortzi mugaren gainean, gauaren argitan, arditan, isili eta borobil, ilargi betea.
Euskal Herriko gazta bete betea. Urdina.Han goian zeruak berde, mendiak zuri eta esnea urdin.
Eskuz esku, artzainak ardiari bere baitatik hartutako izarren salda urdina.
Mendiko zelaietan barna ardiak gora eta behera. Artzainak Joan eta etorri.
Gailurren gainetan, gauetan, ilargi bete bete urdina. Egunari agour eta gauari agour esanez, gazta urdina.
Artzainaren eskuek dotore, lurrari ohore, esneari zapore, bizitzari kolore, maitasunari lore, nortasunari amore eta umore.
itsasoa gozoa eta gatza da. Latza eta latxa.
Artzainak joan ziren eta badatoz, olatuak bezala, gure mendietako izarren salda urdinari ilargiaren forma ematera.
Eta gizakiak, erabateko plazeraren bila, kosk egingo dio ilargi urdinari, gaur, eta bihar eta etzi…
kosk eta kosk. Desagertu arte. Eta berriz agertuko da eta kosk eta kosk…
Entzun, ikusi, sentitu, ukitu, dastatu… itsaso zuria eta gazta Urdina!
Euskal Herriko ahuntz gasna URDINA
Jastatu al duzu URDINA ?
Ardi gasna urdina baino leunagoa, ahuntz zapore handiarekin, urdinaren indarrak lagunduta. Euskal Herrian ekoiztua, gasna urdina fabrikatze metodoekin egina ! Lehen ahuntz gasna urdina ezagutu !
URDINA - Euskal ardi gasna urdina: Euskal Herria jastatu inoiz sentitu ez duzun bezala !
Endibia entsalada "Urdina" ardi gasnarekin, sagarrekin eta intxaurrekin
Gasna Urdinazko Pintxoa udare eta intxaurrekin
Urdinaz mintzo dira
Ardi edo ahuntz esnearekin egindako urdin horiek familia handi baten parte dira, ezagunena Roquefort DOP da, ardi esnearekin egina eta zaporez aberatsa, bere marka nagusia Société enpresa da. « Bleu des Causses » DOP edo « Bleu d'Auvergne » DOP ere aipa ditzakegu esne gordin edo pasteurizatuarekin egindakoak, Frantses (Aveyron eta Auvernia) behi esnez egindako jatorri izendapen babestua duten gasnak. Azkenean, agian Frantziatik etorritako beste zenbait produktu ezagutuko dituzu, hala nola Fourme de Montbrison, Gex eta Termignon-eko gasnak. Roquefort Société edo beste marka batzuen fabrikazioaren helburua, Aveyron jatorrikoak, produktuen urdinduraren garapenaren zain egotea da. Airea eta denborari esker, produktu erregularra lortuko dugu. Urdinaren fabrikazio prozesua Roquefort-arena bezalakoa da baina Urdina gasna desberdina bere azalari esker. Roquefort-i buruz gehiago jakiteko, Roquefort gunea bisita dezakezu ; eta Urdina erosteko hemen da ! !
